Bu gün Beynəlxalq Mətbuat Mərkəzində Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirilən “Açıq hökumətin təşviqi sahəsində vətəndaş cəmiyyəti təşkilatlarının rolunun artırılması üzrə təşəbbüslər” layihəsinin yekun tədbiri keçirilib.

TED.az xəbər verir ki, layihə çərçivəsində grant.az saytı yaradılıb. Saytın yaradılmasında məqsəd dövlət qurumları tərəfindən keçirilən qrant müsabiqələri haqqında vahid informasiya şəbəkəsini formalaşdırmaqdır. Layihə müddətində keçirilən qrant müsabiqələri haqqında məlumatlar, QHT sektoruna aid vakansiya və elanlar saytda yayımlanıb.