Canba oyunu — Mənfi və Müsbət cəhətləri

22.05.2020 17:42

Hansısa oyunu ya dost tövsiyəsi ilə, ya da sosial şəbəkələrdəki reklam vasitəsilə tanıyıb smartfonumuza yükləyirik. Həmin tövsiyələr subyektiv fikir əsasında qurulduğuna görə, oyunu yüklədiyimizə peşman ola bilərik.

TED.az olaraq “Reklamda bu deyilməmişdi” sözləri ilə peşmanlıq hissini yaşamamaq üçün şəffaf araşdırmamızı sizə təqdim edirik.

Subyektiv fikirlərin formalaşdığı bu mövzuda maksimal obyektivliklə yanaşaraq “Canba” oyununu təhlil etdik.

“Canba” nədir?

“Canba” “made in Azərbaycan” devizi altında hazırlanmış intelektual oyundur. Tətbiq karantin günlərində yaradılaraq canlı yarışma prinsipi ilə qurulub.

Azərbaycanın intellektual insanlarını bir araya toplayan bu oyun pul mükafatını ehtiva edir. Hər gün ümumi uduş məbləği qoyulur və bir neçə min insanın iştirak etdiyi oyunun qalibləri arasında bölünür.

Hər gün saat 20:00-da rus dilində (ümumi uduş məbləği 100 azn), 21:00-da Azərbaycan dilində (ümumi uduş məbləği 200 azn) 12 sualdan ibarət canlı oyun keçirilir. Hər sualda 10 saniyə vaxt və 3 variant verilir.

12 sualın hamısını doğru cavablandıran iştirakçılar qalib sayılır və ümumi uduş məbləği bu qaliblər arasında bölünür. İlk 9 sualda səhv cavab verdiyiniz sualı bir "can"ı xərcləməklə keçmək mümkündür.

Oyun tamamilə pulsuzdur. Hər gün uduş məbləğini istifadəçilər arasında bölən oyun yaradıcısı xeyriyyəçidirmi?

Bu məsələnin çözümü qeyd etdiyimiz “can”lardadır. Oyunda “can” qazanmağın bir neçə yolu var:

⁃ Oyundakı dəvət kodu ilə kimisə bu oyunu yükləməyə dəvət etmək. Dəvət etdiyiniz hər bir nəfərə görə 1 "can" qazanmış olacaqsınız.

⁃ Hər gün saat 15:00-da 5 sualdan ibarət əlavə yarış keçirilir. Bu 5 sualı doğru cavablandıranlar 1 "can" qazanırlar.

⁃ Reklam. Əlavə “can” qazanmaq üçün istifadəçi 5 sponsor reklamına baxmağa məcburdur.

Buradan bilindiyi qədəri ilə oyun, istifadəçi sayının çoxalmağına və çoxsaylı reklam təkliflərini qəbul etdiyinə görə müəyyən maliyyə vəsaiti alır.

“Canba”nın kütləsi bir neçə minlik auditoriya təşkil edir. Azərbaycan dilində keçirilən yarışda 10-20 min, rus dilində keçirilən yarışda 5-10 min nəfər iştirak edir.

Oyunun App Store-dakı reytinqi 4,7 ulduzdur.

Fatimə ZÜLFİQAR

Çap et