Dünyanın ən məşhur mesajlaşma tətbiqi WhatsApp-da hər gün milyonlarla ismarıc göndərilir. Bu mesajların çoxu daha sonra silinir. 

Silinən fotoşəkillər və söhbət tarixçəsi isə hər gecə saat 02:00-da avtomatik olaraq telefonda saxlanılır və istənilən an geri qaytarıla bilər. Bu prosesdən qalıcı şəkildə qurtulmaq mümkündür. 

TED.az xəbər verir ki, bunun üçün telefonun fayl menecerinə daxil olaraq WhatsApp bölməsinin üzərinə gəlmək lazımdır. 

Daha sonra telefona daxil olan və göndərilən mesajların qeyd edildiyi "WhatsApp Images" qovluğunu silin. 

Həmçinin "Database" qovluğuna daxil olaraq istədiyiniz söhbəti və ya qovluğun özünü silərək söhbət tarixçəsindən qurtula bilərsiniz. 

Hər hansı fotoşəklin telefonda qalıb-qalmadığını dəqiqləşdirmək üçün diskdigger adlı tətbiqi telefonunuza yükləyin və fotoşəkil tarama prosesini həyata keçirin. Bütün şəkillər ekranda görünəcək. Silmək istədiyiniz şəkli "Clean up" hissəsinə toxunaraq silin. 

Beləcə, arzulamadığınız fotoşəklin telefonda "heç bir izi" qalmayacaq.