Bu həftə Türkiyə Pinterest və Periscope və Tvitter də daxil olmaqla bəzi məşhur sosial media platformalarında reklamları qadağan etdi. 

TED.az xəbər verir ki, qadağa ölkənin Məlumat və Kommunikasiya Texnologiyaları İdarəsi tərəfindən təsdiqlənib.

Reklam qadağası hökumət yeni sosial media qanunu qəbul etdikdən sonra tətbiq edilib. Yeni qanun sosial media şirkətlərinin Türkiyədə yerli nümayəndəliklərini tələb edir. Feysbuk və digər bir neçə şirkət tərəfindən yerli qanunlara əməl edəcəyi və belə bir nümayəndəlik açılacağı bildirilib. Feysbuka bənzər, YouTube kimi digər böyük platformalar da sözügedən ölkədə nümayəndəlik açmağa qərar verib.

Qanun bu gün, 19 yanvar 2021-ci ildə qüvvəyə minib. Lakin Tvitter və onun canlı yayım proqramı Periscope, eləcə də Pinterest tərəfindən qanunla bağlı heç bir rəy bildirilməyib.

Yeni qanun səlahiyyətlilərə keçmişdəki kimi sadəcə sosial giriş platformalarını məhdudlaşdırmaqdansa, məzmunu silməyə imkan verəcək. Bu, hökumətin məzmunu məhdudlaşdırmaq, onlayn platformalar və əsas media üzərində nəzarəti gücləndirmək üçün etdiyi addımlarla əlaqədar narahatlıqları artırıb. 

Türkiyə Feysbuk, YouTube və Tvitter kimi şirkətləri əvvəllər yerli qanunlara riayət etmədiyinə görə cəzalandırıb və buna riayət etməmək artıq xidmət bant genişliyində 90% azalma ilə nəticələnəcək.