Windows əməliyyat sisteminin Azərbaycanda ən populyar versiyası Windows 10-dur. Bu versiyanın yanvar ayında ölkəmiz üzrə bazar payı 57.32%-ə çatıb. Bu göstərici ötən ilin dekabr ayı ilə müqayisədə 1.85% artıb. 

TED.az xəbər verir ki, bu barədə “Global Stats” analitik şirkəti məlumat yayıb.

Məlumata görə, ölkə üzrə ikinci ən populyar Windows əməliyyat sistemi Windows 7-dir. Bu əməliyyat sisteminin Azərbaycan üzrə bazar payı isə əksinə azalıb. Dekabr ayında 36.48% bazar payı olan Win 7 yanvar ayında 34.17%-ə düşüb. 

Daha sonra isə ardıcıl olaraq Win8.1(6.86%), Win8(1.29%), WinXP (0.28%), WinVista (0.07%) versiyaları gəlir.