OpenAI baş direktoru Sam Altmanın X-də yazdığı bir yazı ChatGPT-nin yeni versiyasının gələcəyini göstərə bilər.

OpenAI keçən may ayında seçilmiş ChatGPT Plus istifadəçilərinə GPT-4o Səs rejimi təklif etməyə başladı. Önümüzdəki aylarda yeni xüsusiyyəti digər istifadəçilərə yaymağı planlaşdıran OpenAI, yeni nəsil söhbət botu üzərində də işləyirdi. Şirkətin baş direktoru Sem Altmanın X-də etdiyi paylaşım bizi yeni modelin çox da uzaqda olmadığını düşündürdü.

Altmanın paylaşımına “Bağda yayı sevirəm” ifadəsi yer alıb və bu ifadənin altına yay meyvəsi kimi tanıdığımız çiyələyin fotosu əlavə edilib. Bu yazı böyük həyəcan yaratdı. OpenAI-nin növbəti modelinin kod adı Strawberry və yazıdakı çiyələyin yetişməsi modelin tezliklə istifadəyə veriləcəyini deməyə əsas verir.

Hal-hazırda Strawberry adlanan, lakin GPT-5 adı ilə buraxılması gözlənilən model haqqında OpenAI-dən hələlik rəsmi buraxılış tarixi açıqlaması yoxdur. Yeni modelin daha təkmil düşünmə və araşdırma imkanlarına malik olacağı gözlənilir.

Digər tərəfdən, OpenAI çərçivəsində keçirilən toplantıda şirkətin “insan kimi düşünmə” imkanlarına malik ChatGPT layihəsini təqdim etdiyi bildirilir.