Təhsildə İnkişaf və İnnovasiyalar üzrə VIII qrant müsabiqəsində qalib gəlmiş bu layihənin bağlanışında Quba rayonu Küpçal kənd tam orta məktəbin direktoru Bəxtiyar Şahvalov, Quba rayonu Küsnətqazma kənd ümumi orta ümumtəhsil məktəbinin direktor müavini Vüqar Babayev, Quba rayonu üzrə təhsil sektorunun nümayəndəsi Ramin Mahmudov, müəllimlər və şagirdlər iştirak edib.

TED.az xəbər verir ki, layihə çərçivəsində PhET platformasındakı Azərbaycan dilinə tərcümə olunmuş simulyasiyaların milli kurikulumla uyğunlaşdırılması və dərs proqramlarının hazırlanması həyata keçirilib. Bu proqram əsasında məktəbdə 7-10-cu sinif şagirdlərindən ibarət “PhET Kimya Dərnəyi” təşkil olunub və iki ay boyunca həftədə bir dəfə olmaqla dərslər keçirilib. 

Xatırladırıq ki, "Kimyanın tədrisində interaktiv simulyasiyaların tətbiqi" adlı layihə Küpçal kənd tam orta məktəbdə Ayxan Məhəmmədzadə tərəfindən həyata keçirilib.
Layihənin əsas məqsədi PhET interaktiv simulyasiya platformasında yerləşən tədris materialları və praktiki məşğələlərdən istifadə edərək kimya dərslərini daha interaktiv və əyləncəli şəkildə təşkil etməkdən ibarət idi.

#ElmVəTəhsilNazirliyi #GrantsEduAz #VIIIQrantMüsabiqəsi