““Ericsson” şirkəti Azərbaycanda 5G texnologiyalarının inkişafına dəstəyini davam etdirəcək. Bunun əsasında da “Bakutel-2019” sərgisi çərçivəsində Ericsson” şirkətilə Azərbaycanın mobil operatoru  “Azercell” arasında elektron sənəd də imzalanıb”.

Bunu TED.az-a açıqlamasında “Ericsson” şirkətinin kommunikasiya departamentinin rəhbəri Yulia Brol bildirib.

Yulia Brol qeyd edib ki, anlaşma memorandumunda şirkətlər arasında  2020-2022-ci illər ərzində 5G texnologiyalarına dair layihələrin işlənib hazırlanması, sınaq testlərinin aparılması və yeni texnologiyaların istifadəsi üçün layihələrin həyata keçirilməsi nəzərdə tutulub: “Hazırda “Ericsson”nun 5G rabitə şəbəkəsi dörd qitənin 14 ölkəsində istifadə olunur. Bu gün 5G kommersiya xidmətləri abunəçilər arasında populyardı və onlara tələbat sürətlə artır”.

Zeynəb ƏKBƏR