Çinin elektrik avtomobil istehsalçısı Leapmotor dünya bazarında satılacaq yeni B10 modelini təqdim edib.

TED.az xəbər verir ki, Leapmotor, qlobal böyümə strategiyasının mühüm hissəsi kimi gördüyü ilk krossover modeli B10-u Avropa bazarına təqdim edib.

B10 Renault 4, Jeep Avenger və Mini Aceman kimi modellərlə rəqabət aparacaq.

Leapmotor tərəfindən hazırlanmış Leap 3.5 arxitekturasında qurulmuş B10 bir sıra qabaqcıl texnologiyalarla təchiz edilmişdir.

Çoxsaylı aktiv təhlükəsizlik texnologiyaları, fərdiləşdirilə bilən sürücü displeyi və ağıllı sürücülük imkanları onlardan yalnız bir neçəsidir.

Batareya və güc dəyərləri hələ rəsmi olaraq açıqlanmasa da, B10-un böyük qardaşı C10-un xüsusiyyətlərini əks etdirəcəyi gözlənilir.

C10 arxada quraşdırılmış 215 at gücündə elektrik mühərriki və 69,9 kVt/saat tutumlu akkumulyatora malikdir. Bu, avtomobilə 422 kilometr məsafə qət etmək imkanı verir.

Leapmotor bildirir ki, B10 şirkətin qlobal bazarlar üçün xüsusi olaraq hazırlanmış B-Seriyalı modellərindən birincisidir.

B10-un gələn il İngiltərə bazarına çıxacağı gözlənilir. Qiymətinin 30 min sterlinqdən aşağı olması gözlənilir.