Yeddi fransız ailəsi sosial media nəhəngi “TikTok”u məhkəməyə verib. Onlar platformanı yeniyetmə uşaqlarını zərərli məzmuna məruz qoymaqda günahlandırır. Bu məzmun azyaşlılardan ikisinin 15 yaşında intihar etməsinə səbəb olub.

TED.az “Reuters” agentliyinə istinadla xəbər verir ki, bu barədə noyabrın 4-də həmin ailələrin vəkili Lor Butron-Marmion məlumat verib.

Vəkil yerli televiziya kanalına deyib ki, iddiada “TikTok” alqoritminin yeddi yeniyetməni intihara, özünə zərər verməyə və qidalanma pozğunluğuna təşviq edən videolara məruz qoyduğu bildirilir.