Avropa Komissiyası (AK) sahibkarlar və istehlakçılar üçün getdikcə daha populyar ünsiyyət vasitəsinə çevrilən süni intellekt (Sİ) əsaslı virtual köməkçilərin onlayn iclaslarda istifadəsinə qadağa qoyub.

TED.az-ın məlumatına görə, bu barədə "Politico" nəşri xəbər verib.

Bildirilir ki, görüşlər başlamazdan əvvəl ekranlarda görünən slaydda belə bir yazı yerləşdirilir: "Süni intellekt agentlərinin istifadəsinə icazə verilmir".

AK keçən həftə ilk dəfə belə bir qayda tətbiq etdiyini təsdiqləyib, lakin bu qərarı qəbul etməyə səbəb olan amillər barədə daha ətraflı məlumat verməkdən imtina edib.

Nəzərə alsaq ki, Brüssel artıq Sİ agentlərinin gündəlik həyatda və biznesdə istifadə olunacağı dövrə hazırlaşmağa başlayıb, Aİ-nin icra orqanının bu addımı ekspertlər üçün gözlənilməz olub və bunu qəribə hesab ediblər.