Hazırda Dövlət Gömrük Komitəsinin (DGK) "Smart Customs" mobil tətbiqindən 2 milyondan çox insan istifadə edir.

TED.az xəbər verir ki, bunu DGK-nin Rəqəmsal İdarəetmə Baş İdarəsinin nümayəndəsi Elgül Həsənli “Rəqəmsal gömrük və media” mövzusunda keçirilən tədbirdə çıxışı zamanı bildirib.

Onun sözlərinə görə, yaxın zamanda tətbiqin yeni dizaynı təqdim olunacaq:

“‘Smart Customs’ tətbiqində xüsusi alqoritmə əsaslanan avtomatlaşdırılmış çat-bot sistemi fəaliyyət göstərir. Hazırda İOS istifadəçilərinin sayı 1,1 milyonu keçib, Android istifadəçilərinin sayı isə 930 mindən çoxdur”.

Xatırladaq ki, 2021-ci ilin yanvarın 1-dən təkmilləşdirilmiş “Sadələşdirilmiş Bəyannamə - Elektron Ticarət" (Smart Customs) layihəsinin tətbiqinə başlanılıb.