Amerika Birləşmiş Ştatlarına məxsus “Sarcos Robotics” şirkəti ağır yükləri daşımaq üçün  yeni məhsulu olan “Guardian XO” ekzoskeletini təqdim edib.

TED.az xəbər verir ki, ekzoskelet vasitəsilə 90 kiloqramlıq yükü daşıyan insan əlindəki yükü sadəcə 4,5 kiloqram çəkidə hiss edir. “Guardian XO” ekzoskeletinin akkumulyatoru 2 saat enerji saxlayır.

Məlumata görə, sözügedən məhsul satışa çıxarılmayacaq. Şirkətin “Guardian XO”nu  icarəyə verəcəyi gözlənilir. Onun icarə haqqı isə il ərzində 100 000 ABŞ dollar olacaq.

Qeyd edək ki, məhsul 2020-ci ildən istifadəyə veriləcək.