AZ

Nokia telefonlarında da yeni naviqasiya sistemi mövcud olacaq

81bca07827bd05ed907be8bc7247eb86.jpg
12.12.2019 11:52

 

Keçən həftə HMD Global Nokia 9 PureView flaqman smartfonu üçün Android 10 əməliyyat sisteminin sabit versiyasının yayılmağa başladığını açıqlayıb. Bundan əvvəl yalnız Nokia 8.1 yenilənmə alıb.

 

Android 10-un son versiyasının üç aydan çoxdur ki, çıxdığını nəzərə alsaq, ağıllı telefonlar üçün yenilənmələrin buraxılması sürətinə görə fəal şəkildə təriflənən bir şirkət üçün bu, olduqca yavaş bir tempdir. Görünür, HMD Global ləng işləməsi ilə bağlı tənqidlərdən nəticə çıxarıb. Belə ki, bu günlərdə Android 10-un son versiyasının indi Nokia 7.1 üçün yayıldığı elan edilib.

 

TED.az xarici mətbuata istinadən xəbər verir ki, yenilənmə intelektual cavablar, bildiriş tənzimlənmələrində dəyişikliklər, olduğu yer məlumatları üzərində daha çox nəzarət, qlobal qaranlıq rejimi və jest əsaslı yeni naviqasiya sistemi kimi müxtəlif yeni xüsusiyyətləri təqdim edir.

 

Xatırladaq ki, Nokia 7.1 2018-ci ilin oktyabr ayında Android 8.1 Oreo ilə çalışan paketdə elan edilib, daha sonra Android 9 Pie-ya qədər olan yeniləməni alıb.

 

Android 10-a qədər növbəti yeniləməni Nokia 6.1, Nokia 6.1 Plus və Nokia 7 Plus almalıdır.

 

Texnologiya bölməsindən digər xəbərlər

Daha çox