Samsung Redmi K30 5G-yə rəqib hazırlayır
Samsung-un yeni modeli Redmi K30 5G ilə eyni platforma üzərində qurulub
Redmi K30 5G dünyanın birkristallı Qualcomm Snapdragon 765G vahid platforması əsasında yaradılan ilk smartfonu oldu. Lakin o, yalnız yanvar ayının ortalarında satışa çıxarılacaq, buna görə digər istehsalçıların hələ də öz alternativlərini təqdim etmək üçün vaxtları var. Samsung belə bir alternativ üzərində işləyir.
TED.az xarici mətbuata istinadən xəbər verir ki, Tvitterdə məşhur insayderin yazdığına görə, Samsung Qualcomm Snapdragon 765G platformasında smartfon istehsal edəcək. Bu isə o deməkdir ki, yenilik ilk növbədə nisbətən ucuz olacaq, ikincisi, quraşdırılmış 5G modemini alacaq və üçüncüsü, Redmi K30 səviyyəsində yaxşı kamera təklif edəcək. Artıq cihazın kataloq nömrəsi də məlumdur– KM8V8001JM-B813, lakin hələlik başqa detallar barədə məlumat yoxdur.
Məntiqə görə, belə bir model Galaxy A xəttinin tərkibində çıxmalıdır. Lakin bunun hansı smartfon olacağı hələ ki, bəlli deyil.