Vivo X30 Pro yerin peykini keyfiyyətli çəkə biləcək. Çin şirkətinin özünün bildirdiyi kimi, smartfon bunu 60 qat zumun hesabına edə biləcək.

TED.az xarici mətbuata istinadən xəbər verir ki, Vivo internet şəbəkədə Ay görüntüsünün nümunəsi ilə kameranın imkanlarını nümayiş etdirib. Foto şirkətin məhsulları üzrə baş meneceri tərəfindən nəşr edilib.

Xatırladaq ki, Vivo X30 Pro-da əsas kameranın dörd modulu quraşdırılacaq, burada əsas kamera 64 Mp, qalan sensorlar isə 32,13, 8 Mp göstəriciyə malik olacaqlar.

Cihazın əsasını Samsung şirkətindən Samsung Exynos 980 platforması təşkil edir və beşinci nəsil şəbəkələrində işi dəstəkləyir.

Vivo X30 Pro-nun təqdimatı bu gün (16 dekabr) keçiriləcək və biz smartfon və onun kamerasının imkanları haqqında bütün detalları öyrənəcəyik.