“Cybertruck” hələ satışa çıxarılmasa da gələcək elektromobiliniz üçün qaraj tikmək haqqında indidən düşünə bilərsiniz.

TED.az xəbər verir ki, Amerikanın “Lars Buro” şirkəti İlon Mask üçün xüsusi olaraq futuristik Kiberbunkerin hazırlandığını elan edib.

Qarajın sahəsi təxminən 55 kvadratmetr olacaq. Qaraja 167 kvadratlıq yaşayış və ya texniki modul əlavə edilə biləcək. Bu xüsusi modul dizaynı sayəsində mümkün olacaq. 

“Lars Buro” nümayəndələri bu kompleksi "yüksək texnoloji depo" adlandırdılar və jurnalistlərə əvvəlcədən söz verdilər ki, məsələ yalnız göstəricilərlə məhdudlaşmayacaq. Bundan əlavə, qaraja hava kilidinin qurulması və dəmir şüşənin quraşdırılmasını sifariş etmək mümkün olacaq. 

Kiberbunkerin ən vacib xüsusiyyəti enerji təchizatı sistemlərindən asılı olmamasıdır. Qarajın dam örtüyünə günəş panelləri quraşdırılacaq ki, bu da onu enerji ilə təmin edəcək. 
Tərtibatçılar qaraj kompleksinin qiyməti və satışın başlanğıc tarixi barədə 2020-ci ilin əvvəlində dəqiq məlumat verməyi planlaşdırırlar.