Redmi K30 5G flaqman modeli 12 GB RAM və 512 GB fləş yaddaş aldı
Smartfon tezliklə bazarda görünməlidir
Xiaomi şirkəti ötən həftə quraşdırılmış 5G modemli Snapdragon 765G təkkristallı sistem ilə təchiz edilmiş Redmi K30 5G smartfonunu anons edib.
TED.az xarici mətbuata istinadən xəbər verir ki, anons vaxtı smartfonun müxtəlif operativ və fləş yaddaşla olan dörd versiyası elan edilib. Qiyməti 285-410 dollar arasında dəyişir .
Redmi K30 5G ön kamera sistemi üçün iki çuxuru olan 6,67 düymlük Full HD+ göstəricili LCD ekranını alıb. Arxa paneldə 64 meqapikselli Sony İMX686 sensoru olan əsas kamera yerləşir.
Bu günlərdə Çin tənzimləyicisi TENAA 12 GB ram və 512 GB fləş yaddaşa malik Redmi K30 5G versiyasını rəsmi olaraq çıxış üçün təsdiqləyib.
Redmi K30 5G 2020-ci ilin əvvəlində satışa çıxarılmalıdır. Bunun 15 yanvarda baş verəcəyi ehtimal olunur.