Son illərdə sosial media platformaları arasında ən çox istifadə edilən İnstaqramın inkişafı və yenilənmələri davam edir. Hekayələr xüsusiyyəti ilə istifadəçilərin sevimlisinə çevrilən İnstaqram daha bir yeniliklə qarşımıza çıxacaq. TED.az xəbər verir ki, artıq İnstaqram hekayələrində bir neçə şəkli eyni anda paylaşmaq mümkün olacaq.

Beləliklə, istifadəçilər “əvvəl-sonra” və ya “zaman ardıcıllığı” əlavə edərək hekayələrini daha maraqlı edəcəklər. Yenilənmədən sonra eyni hekayədə 6-ya qədər şəkil paylaşmaq mümkün olacaq.

Daha öncə də bu cür hekayələr paylaşmaq mümkün idi, amma bunun üçün İnstaqramdan kənarda bəzi əməliyyatlar aparmaq lazım olurdu. Bu da profil güvənliyini təhlükəyə atırdı.

Qeyd edək ki, yenilənmə bu gün bütün dünyada yayımlanıb. Amma nə zaman istifadə olunmağa başlayacağı hələ məlum deyil.