İnternet şəbəkədə təqdimatı gələn ilin əvvəlinə planlaşdırılan OnePlus 8 Lite smartfonunun şəkilləri yayılıb. Bu modelin peyda olması kifayət qədər gözlənilməz olub, çünki OnePlus-un rəhbəri, şirkətin daha əlçatan smartfon istehsal etmək niyyətində olmadığını iddia etmişdi.

TED.az xarici mətbuata istinadən xəbər verir ki, bu gün artıq OnePlus 8 və 8 Pro haqqında məlumatlar var. Mənbəyə inansaq, OnePlus 8 smartfonu, 2400x1080 piksel göstəricili 6,44 düym diaqonallı, 90 Hz kadr tezliyi ilə ekran əldə edəcək. Ekrandakı çuxurda 32 meqapiksellik ön kamera yerləşəcək. Əlbəttə ki, SoC Snapdragon 865 smartfonun ürəyi kimi xidmət göstərəcək. Həmçinin 4000 mAs həcmində 30 vatt şarj edən akkumulyator və NFC-in mövcudluğu barədə məlumat verilir.

OnePlus 8 Pro, 3180x1440 göstəricili 6,7 düym piksel diaqonallı ekranla təchiz olunacaq və kadr tezliyi 120 Hz-ə çatacaq.

Əsas kamera 60, 16 və 12 Mp göstəricili sensorlar alacaq, batareyanın həcmi 4500 mAs, enerji yükləmə gücü isə 50 Vt olacaq.