Ölçüsü cəmi 240 MB-dır

TED.az xarici mətbuata istinadən xəbər verir ki, ötən həftə Redmi şirkəti artıq satışa daxil olan Redmi K30 smartfonunu təqdim edib.

Məlum olduğu kimi, Redmi K30 satışların başlamasından sonra ilk proqram yeniləməsini əldə etməyə başlayıb. Söhbət ölçüsü 240 MB olan MIUI 11.0.5.0. QGHCNXM proqram təminatının sabit versiyasından gedir.

Yenilənmənin təsvirində deyilir ki, bu, kamerada əldə edilən materialların keyfiyyətini yaxşılaşdırmaq üçün nəzərdə tutulub, həmçinin Redmi K30 smartfonunun ekranını optimallaşdırır.

Redmi K30 5G gələn il yanvarın 15-də satışa çıxarılacaq. O, bazarda ən ucuz 5G smartfonu olmalıdır.