2019-cu il üzrə Azərbaycanda ən populyar dövlət saytlarının adları açıqlanıb.

Xüsusi Rabitə və İnformasiya Təhlükəsizliyi Dövlət Agentliyinin Kompüter İnsidentlərinə Qarşı Mübarizə Mərkəzindən TED.az-a verilən məlumata görə, "tqdk.gov.az", "edu.gov.az", "dim.gov.az", "taxes.gov.az", "mia.gov.az", "migration.gov.az", "mod.gov.az", "mfa.gov.az", "mct.gov.az", "fhn.gov.az" ən çox istifadəçi girişi ilə ilk 10-luğu təşkil edir.

Hesabat dövründə yerli icra hakimiyyəti orqanlarından daha çox Binəqədi, Sabunçu, Qazax, Nəsimi rayon və Bakı şəhər icra hakimiyyətinin rəsmi internet resursuna istifadəçi müraciəti qeydə alınıb.

Dövr ərzində dövlət saytlarına xarici ölkələrdən ABŞ, Rusiya, Türkiyə, Ukrayna, İngiltərə, Fransa, Almaniya və Estoniyadan daha çox istifadəçi müraciət edib.