Apple iPhone 13-də yeni rejimdən istifadə edəcək
iPhone 13 yeni hesabatla gündəmə gəlib. Model, telefonunu sıfırlamaq istəyənlər üçün bərpa rejiminə sahib olacaq.
TED.az xəbər verir ki, LetsGo Digital-ın hesabatında yeni modelin dizayn və ölçüsünə görə iPhone 12 ilə eyni olacağı deyilir. Bununla yanaşı, iPhone 13-də fiziki giriş olmayacağı təxmin edilir.
İnternet qurtarma rejimi adlı yeni funksiya ilə istifadəçilər kabel və kompüterə ehtiyac olmadan cihazlarını sıfırlaya biləcəklər.
Şirkət proqram qrupunun 3 fərqli metoda fokuslandığını açıqlayıb. Yeni iPhone modellərində hansı metodun təsdiqlənəcəyi məlum olmasa da, iOS 15 Beta hər şeyə aydınlıq gətirəcək. Birinci metodda istifadəçi iTunes ilə kompüterdəki bərpa və internet Qurtarma rejimlərini seçəcək. İkinci metodda cihaz hansısa problem aşkarladıqda bərpa rejiminə avtomatik girərək istifadəçini birinci metoddakı sistemə yönəldəcək. Üçüncü metodda iPhone 13s-in cihaz tərəfindən yaradılan Bluetooth siqnalı ilə bərpa rejiminə keçəcəyi bildirilir.