AMEA-nın Molekulyar Biologiya və Biotexnologiyalar İnstitutunda Elmi şuranın növbəti iclası keçirilib.

İnstitutdan TED.az-a bildirilib ki, akademik İradə Hüseynovanın sədrliyi ilə keçirilən iclasda cari ilin 6 ayı ərzində institutun şöbə və laboratoriyalarında yerinə yetirilən elmi-tədqiqat işlərinin hesabatı müzakirə olunub. İnstitutda fəaliyyət göstərən 14 laboratoriyanın (o cümlədən 5 beynəlxalq laboratoriya) elmi və elmi-pedaqoji fəaliyyəti, eləcə də kadr hazırlığı, nəşr işləri, ezamiyyə və monitorinqlər haqqında geniş məlumat verilib. Hesabat ətrafında müzakirələr aparılıb.

Sonda institutun yarımillik fəaliyyəti müsbət qiymətləndirilərək hesabatın qəbul olunmasına dair qərar qəbul olunub.