Bakı Dövlət Universitetinin (BDU) Kitabxanaçılıq-informasiya fakültəsində bakalavriat pilləsində tələbələr II kursdan etibarən kafedralarda aparılan elmi-tədqiqat işlərinə cəlb olunurlar.

Bu barədə TED.az-a BDU-dan məlumat verilib.

Fakültənin bakalavr və magistrantları Tələbə Elmi Cəmiyyətinin xətti ilə tədqiqat aparmaq imkanına malikdirlər.

Qeyd edək ki, fakültədə 2 tədris laboratoriyası, Kitabxanaşünaslıq, Biblioqrafiyaşünaslıq, Kitabxana resursları və informasiya axtarış sistemləri, Kitabşünaslıq və nəşriyyat işi kafedraları fəaliyyət göstərir.

Fakültədə tədris Azərbaycan, rus və ingilis dillərində aparılır.