ANAMA Satınalmalar və müqavilələrin icrasına nəzarət şöbəsinin mütəxəssisi vəzifəsində işləmək istəyənlər üçün sənədlərin qəbulunu elan edir
Azərbaycan Respublikasının Minatəmizləmə Agentliyi Aparatın Satınalmalar və müqavilələrin icrasına nəzarət şöbəsinin mütəxəssisi vəzifəsində işləmək istəyənlər üçün sənədlərin qəbulunu elan edir.
ANAMA-dan TED.az-a verilən məlumata görə, vəzifənin tutulması şərtləri bunlardır: Təhsili - Ali; İxtisası - Maliyyə, iqtisadiyyat və idarəetmə, mühasibat uçotu və audit; İş stajı - Müvafiq sahə üzrə azı 1 il; Nəzəri bilikləri - “Dövlət satınalmaları haqqında” Azərbaycan Respublikasının Qanunu və dövlət satınalmalarına dair digər normativ hüquqi aktlar; Kompüter və proqram təminatı üzrə bilikləri - MS Windows, MS Office (Word, Excel, Power Point), dövlət satınalmalarının vahid internet portalı, internet (yüksək səviyyədə); Xarici dil bilikləri - İngilis dili (yüksək səviyyədə) və rus dili (orta səviyyədə).
Çalışdığı müddət ərzində işçiyə səmərəli fəaliyyətinə görə mükafatların verilməsi nəzərdə tutulub. Maraqlananlar əlaqə telefonu göstərməklə aşağıdakı sənədləri career@anama.gov.az ünvanına göndərməlidir.
∙ müvafiq vəzifəyə sənədlərin təqdim olunmasına dair ərizə;
∙ şəxsiyyət vəsiqəsinin surəti;
∙ təhsilə dair sənədlərin surəti (attestat, diplom, sertifikat, arayış və s.);
∙ əmək kitabçasının surəti.
Sənəd qəbulu cari il aprelin 10-dək həyata keçiriləcək.
Əlavə məlumat üçün “805” qaynar xəttinə müraciət edilə bilər.