Qlobal bank rabitəsi şəbəkəsi SWIFT yaxın bir-iki il ərzində mərkəzi bankın rəqəmsal valyutalarını mövcud maliyyə sistemi ilə əlaqələndirmək üçün yeni platforma işə salmağı planlaşdırdığını açıqladı.

TED.az xəbər verir ki, hazırda dünya mərkəzi banklarının təxminən 90 faizi öz valyutalarının rəqəmsal versiyalarını araşdırır. SWIFT-in qlobal bankçılıqdakı əsas rolunu nəzərə alsaq, bu inkişaf yeni yaranan CBDC ekosistemi üçün ən əhəmiyyətli addımlardan biri olacaq.

SWIFT-in İnnovasiyalar Departamentinin rəhbəri Nik Keriqan, 6 ay davam edən və 38 üzvdən ibarət mərkəzi banklar, kommersiya bankları və həll platformalarının iştirak etdiyi son sınaqın CBDC və "token" aktivləri üzrə ən böyük qlobal əməkdaşlıqlardan biri olduğunu söylədi. .

Keriqan, bankların mövcud infrastrukturlarından istifadə edə biləcəyini də sübut edən nəticələrin iştirak edənlər tərəfindən uğur kimi tanındığını və SWIFT-ə üzərində işləmək üçün vaxt verildiyini söylədi.