MPG 8X8 xilasediciləri Türkiyə Silahlı Qüvvələrinə təhvil verilib, növbədə ixracat var

25.11.2024 17:57

“MPG Makine Prodüksiyon Grubu” şirkəti tərəfindən hazırlanan 8×8 Zirehli Xilasetmə Vasitəsi Layihəsində Türkiyə Silahlı Qüvvələrinə tədarüklərini başa çatdıran şirkət ixracatını artırıb.

TED.az xəbər verir ki, hazırda MPG 3 ölkəyə ixrac üçün danışıqlar aparır.

Konyada “Bera Holding”in nəzdində fəaliyyət göstərən MPG şirkəti hələlik çox az ölkənin inventarında olan 8X8 platformasında Zirehli Xilasetmə Vasitəsi Layihəsinə 2018-ci ildə başlayıb.

Yerli texnologiyadan istifadə edilməklə yaradılmış orijinal məhsulun tədarükü başa çatıb. Türkiyə Silahlı Qüvvələri 2 fərqli konfiqurasiyada 62 vasitəni təhvil alıb.

Zirehli Xilasetmə Vasitəsi qəza və ya nasaz zirehli vasitələri əməliyyat şəraitində xilas etməyə imkan verir. Ümumi çəkisi 48.000 kq olan vasitələrdə xilasetmə işlərində istifadə olunacaq 3 ədəd kəndir barabanı var.

Çap et