TSQ müxtəlif miqdarda modernləşdirilmiş M60T tanklarının qəbulu fəaliyyətlərini başa çatdırıb

25.11.2024 18:20

Türkiyə Milli Müdafiə Nazirliyinin Həftəlik Mətbuatı Məlumatlandırma Toplantısı həyata keçirilən tədbirlər, xüsusilə də terrorizmlə mübarizə ilə bağlı keçirilib.

TED.az xəbər verir ki, toplantıda Türkiyə Milli Müdafiə Nazirliyinin mətbuat və ictimaiyyətlə əlaqələr müşaviri kont-admiral Zeki Aktürk son fəaliyyətlər haqqında məlumat verib.

“Yerli və milli müdafiə sənayesi məhsullarımız ilə Silahlı Qüvvələrimizin imkan və qabiliyyətlərinin artırılması istiqamətində işlər uğurla davam etdirilir”, - deyə o qeyd edib.

Aktürk bildirib ki, Türkiyə Silahlı Qüvvələri müxtəlif miqdarda modernləşdirilmiş M60T tanklarının qəbulu fəaliyyətlərini başa çatdırıb.

Qeyd edək ki, ASELSAN tərəfindən modernləşdirilən M60T tanklarının ilk partiyası bu il Türkiyə Quru Qoşunları Komandanlığına təhvil verilib.

Çap et