Fransanın nüvə arsenalı Avropanı müdafiə etmək üçün kifayət qədər böyük deyil və yalnız hipotetik münaqişə zamanı cavab zərbələri üçün bir vasitə ola bilər.

TED.az CNN telekanalına istinadla xəbər verir ki, bu barədə nüvə silahları üzrə ekspert Yannik Pins deyib.

Tədqiqatçının sözlərinə görə, Fransa yalnız strateji cavab tədbirləri ilə hədələməyə, yəni çəkindirici vasitə kimi düşmənə güclü zərbələr endirməyə qadirdir.

NATO qüvvələrinin Avropadakı komandanının sabiq müavini Mişel Yakovleff də Yannik Pinsin fikri ilə razılaşıb. O, Birləşmiş Ştatların nüvə potensialının Parisin imkanlarını xeyli üstələdiyini və bu səbəbdən Fransanın arsenalının asan hədəfə çevrilə biləcəyini vurğulayıb.

Qeyd edək ki, bir müddət öncə, Fransa Prezidenti Emmanuel Makron Avropa İttifaqını qorumaq üçün ölkəsinin nüvə silahından istifadə edilməsi ilə bağlı müzakirələrə başlamaq niyyətində olduğunu bildirib.