Elm və təhsil naziri Emin Əmrullayev aprelin 18-də Sabirabad şəhərində vətəndaşların müraciətlərini dinləyəcək.

Nazirlikdən TED.az-a bildirilib ki, qəbulda Beyləqan, İmişli, Saatlı, Sabirabad və Xocavənd sakinləri iştirak edə bilərlər.

Adları çəkilən rayonların sakinləri aprelin 10-dək (saat 18:00-ə qədər) Elm və Təhsil Nazirliyinin Çağrı Mərkəzinin 146 – 2 və 146 – 6 nömrəli telefonlarına (yalnız iş günləri və saatları ərzində) zəng etməklə qəbula yazıla bilərlər. Bununla yanaşı, nazirliyin rəsmi saytında elektron formada və ya +994 51 206 78 48 nömrəsinə vatsap vasitəsilə müraciət göndərmək mümkündür.