İtaliyanın paytaxtı Romanın Torrenova bölgəsində “Tesla” avtomobil şirkətinin dilerində güclü yanğın baş verib.

TED.az xəbər verir ki, alov tez bir zamanda satış məntəqəsinin həyətində dayanmış 17 avtomobili bürüyüb, tüstü geniş əraziyə yayılıb. Yanğının söndürülməsinə xeyli sayda mülki müdafiə qüvvələri cəlb olunub.

İtaliya Baş nazirinin müavini, nəqliyyat və infrastruktur naziri Matteo Salvini sosial media hesabındakı paylaşımında yanğının “Tesla” avtomobil şirkətinə qarşı həddindən artıq haqsız nifrətdən qaynaqlandığını və hadisə ilə bağlı məyusluğunu ifadə edib.

İlon Mask isə hadisə ilə əlaqədar sosial media hesabında paylaşım edib, bunu adi yanğın deyil, anarxist qruplar tərəfindən terror aktı olduğunu bildirib.

Hadisə zamanı xəsarət alan olmayıb, faktla bağlı araşdırmalara başlanılıb.