Türkiyə kompüter texnologiyalarında A-dan Z-yə ehtiyac duyduğu dizayn və istehsal texnologiyalarına sahib olacaq

03.04.2025 14:20

Tayvan administrasiyasının paytaxtı Taypeydə “FlyBVLOS Technology” ilə Tayvan administrasiyasında yerləşən “Accton Technology” şirkətləri arasında informasiya və kommunikasiya (ICT) texnologiyaları sahəsində texnologiya transferi və kütləvi istehsal müqaviləsi imzalanıb.

TED.az Türkiyə KİV-lərinə istinadən xəbər verir ki, şirkətlər arasında təxminən bir il davam edən danışıqlardan sonra imzalanan bu tarixi müqavilə Türkiyə Milli Müdafiə Nazirliyinin dəstəyi, ABŞ və NATO-nun töhfələri ilə hazırlanaraq nəticəyə çatdırılıb.

Tayvan administrasiyasının “FlyBVLOS Technology” şirkətinə edilən bu texnologiya transferi sayəsində Türkiyə kompüter texnologiyalarında A-dan Z-yə ehtiyac duyduğu dizayn və istehsal texnologiyalarına sahib olacaq.

Üç mərhələli olaraq planlaşdırılan layihənin birinci mərhələsində Türkiyədə naqilli və simsiz ICT cihazlarının yerli və milli istehsalı “FlyBVLOS Technology” şirkətinin Gölbaşı/Ankarada inşasına başlanılan müəssisəsində həyata keçiriləcək.

Çap et