“Kaspersky” ICS CERT 2025 kibertəhlükəsizlik proqnozlarını paylaşıb

03.04.2025 14:57

“Kaspersky” Sənaye Nəzarət Sistemləri Kiber Fövqəladə Hallara Müdaxilə Qrupu (ICS CERT) 2025-ci il üçün kibertəhlükəsizlik proqnozlarını açıqlayıb.

TED.az xəbər verir ki, bu barədə şirkətin verdiyi açıqlamada bildirilib.

Açıqlamaya görə, proqnozlar kibertəhlükəsizlik mənzərəsindəki əsas dəyişikliklərlə bağlı illik proqnozlar və analitik hesabatlar seriyası olan “Kaspersky Security Bullet”in (KSB) bir hissəsi olaraq paylaşılır.

“Kaspersky” 2024-cü il üçün bir çox ICS təhlükəsi inkişafını proqnozlaşdırıb.

Bu müddət ərzində “ransomware” sənaye müəssisələri üçün ciddi təhlükəyə çevrilib, kibercinayətkarlar yüksək dəyərli təşkilatları, unikal məhsul tədarükçülərini və böyük logistika şirkətlərini hədəfə alıblar.

Bütün bu risklər qüvvədə qalarkən, “Kaspersky” mütəxəssisləri sənaye müəssisələrinin 2025-ci ildə diqqət etməli olduğu inkişafları qeyd ediblər:

“Sənaye müəssisələrindən innovativ texnologiyaların oğurlanması riski artacaq, qəsdən yaradılmış maneələr və sanksiyalar əməliyyat texnologiyasını əlavə təhlükələrə məruz qoyacaq, yeni texnologiyaların qəbulu, zamanla sınaqdan keçirilmiş texnologiyalardan istifadə yeni kiber risklərə səbəb olacaq. Yanlış avadanlıq tədarükçüsünün seçilməsi daha yüksək risk deməkdir və qeyri-müəyyənlik vasitəsilə təhlükəsizlik 2025-ci ildə əməliyyat texnologiyası infrastrukturları üçün işləməyəcək”.

Çap et