Microsoft Latın Amerikası və Afrikada çətin həyat şərtində yaşayan uşaqların təhsilinə töhfə verəcək.

TED.az xəbər verir ki, son statistikaya görə, dünya əhalisinin yarısının internetə çıxışı var. Bu 3,5 milyard insanın internetə girə bilmədiyinin göstəricisidir. Xüsusilə də, uşaqların internetə çıxışının olmaması onların bugünkü tələblərə uyğun yetişdirməyi çətinləşdirir.

Microsoft "Airband Initiative" adlı layihəsi ilə internetə çıxışı çətin olan əraziləri genişzolaqlı internetlə təmin edə biləcək. ABŞ-da internetsiz ərazi qoymayan şirkət indi də Latın Amerikası və Afrikaya investisiya yatıracaq.

Bu bölgələrdə çətin həyat şəraitində yaşayan insanlar üçün virtual dünyanı əlçatan edən texnologiya nəhəngi, beləliklə, 40 milyon insanın internetə çıxışını təmin etmiş olacaq. Sonrakı mərhələlər üçün isə Microsoft Asiya və Afrikanın digər çətin bölgələrini nəzərdə tutub.

Günel QURBANOVA