AREA-nın (Azerbaijan Robotics Engineering Academy) nümayəndələri Bakı Mühəndislik Universitetində olublar.

TED.az xəbər verir ki, nümayəndələr universitetin Beynəlxalq əlaqələr üzrə prorektoru Manafəddin Namazov və İnnovasiya mərkəzinin müdiri Elçin Yusubov ilə görüşüblər. M.Namazov qonaqlara BMU haqqında ətraflı məlumat verib, universitet-sənaye əlaqələrinin əhəmiyyətindən danışıb.

AREA-nın təsisçisi Rəhman Rəsulzadə təmsil etdiyi qurumun fəaliyyəti, proqramları, keçirdiyi müsabiqələr və informasiya texnologiyaları sahəsindəki yeniliklərdən bəhs edib.

BMU-un yüksək potensialının olduğunu vurğulayan R.Rəsulzadə kompüter elmləri, informasiya texnologiyaları və proseslərin avtomatlaşdırılması kimi sahələr üzrə universitetlə əməkdaşlıq etmək niyyətində olduqlarını bildiriblər.

Daha sonra əməkdaşlıq istiqamətləri nəzərdən keçirilib.