“Dünən axşam saatlarında İsmayıll rayonunun səmasında hərəkətli uçan obyektin müşahidə olunması ilə bağlı KİV-də sensasiyalı məlumatlar yayılıb. Əslində burada sensasiya doğuran bir hal yoxdur. Çünki dünən Rusiyada “Topol” ballistik raketi sınaqdan keçirilib. Yer kürə formasında olduğu üçün raket yüksəkliyə qalxdıqca müxtəlif ərazilərdən görünə bilir. Yeri gəlmişkən qeyd edim ki, raketin görüntüsü təkcə İsmayıllıdan yox, Bərdədən və başqa rayonalrdan da müşahidə olunub. Hesab edirəm ki, digər qonşu ölkələrdə, məsələn, Qzaxıstanda da bu mənzərə müşahidə edilib”.

Bu sözləri TED.az-a hərbi ekspert Rəşad Süleymanov deyib.

Qeyd edək ki, bu yaxınlarda Rusiyanın silahlanmasına “Topol” ballistik raketinin yeni versiyası daxil edilib. Məlumat üçün bildirək ki, bu raket Moskva İstilik Texnologiyası İnstitutunda tədqiqatlar nəticəsində hazırlanıb. Tədqiqatlara 1980-ci ildən başlanılıb. İlk sınğı 1994-cü ildə həyata keçirilib. 2008-ci ildə tam olaraq hərbidə istifadəyə verilib.

Hazırda 48 yeraltı və 12 mobil Topol-M kompleksi Rusiya ordusunun təchizatında yer alır. Topol-M raketinin peyda olmasından sonra Amerika Birləşmiş Ştatları hava hücümundan müdafiəsini gücləndirmək üçün külli miqdarda vəsait xərcləməli olub.

Monobloklardan ibarət olan başlığının gücü 0,55 meqatondur. Uzun məsafəni uça bilməsinə baxmayaraq hədəfdən çox yüksək effektivliklə yayına bilir. Adətən, bir başlıqlı olur, amma istənilən vaxt çoxbaşlıqlı raketə çevirmək mümkündür. İkinci Dünya müharibəsi zamanı Yaponiyanın Naqasaki şəhərinə  atılan atom bombasından təxminən 26 dəfə daha güclü hesab olunur. Çox sürətlə yer dəyişdirə bilir.

TED.az