"İlk dəfə olaraq İnnovasiyalar Agentliyi "Bakutell 2019" sərgisində hibrid startaplarını nümayiş etdirəcək".

TED.az xəbər verir ki, bunu İnnovasiyalar Agentliyinin sədri Tural Kərimli deyib.

Tural Kərimli bildirib ki, İnnovasiya Agentliyi hibrid startapları layihəsinə yeni başlayıb: "Hibrid startapları müxtəlif ölkələrdən gələn və Azərbaycanda fəaliyyət göstərmək istəyən startaplardır. Onlar bunun üçün öz məhsullarını yerli bazara adaptasiya edib, layihələrini kommersiyalaşdırmaq istəyirlər. Sözügedən startaplar Bakıya yalnız "Bakutell 2019" sərgisində iştirak etmək üçün yox, Azərbaycanda daimi fəaliyyət göstərmək üçün gəliblər. Bu startaplar İnnovasiyalar Agentliyinin tərkibindəki Yüksək Texnologiyalar Parkına rezidentlik üçün də müraciət ediblər. Müraciət edənlərdən 40-ı İrandan, 3-ü Ukraynadan, 5-i Rusiyadan, 3-ü isə İsraildən olub".

"Bundan başqa, "Bakutell 2019" sərgisində Startap Avenyu olacaq. Ötən il də 53, bu il də 50 startap öz məhsullarını nümayiş etdirəcək", – deyə agentlik sədri əlavə edib.

Zeynəb ƏKBƏR