“Bütün dünyada kreativ sənaye sürətlə inkişaf edir. Kino sahəsi isə kreativ sənayenin ən inkişaf edən bölməsidir. Məsələn, “Joker” filminin çəkilişlərinə 70 milyon dollar vəsait xərclənib”.

TED.az xəbər verir ki, bunu “Kreativ Azərbaycan” portalının təqdimatı zamanı Mədəniyyət Nazirliyinin beynəlxalq əməkdaşlıq və innovativ inkişaf şöbəsinin müdiri Vasif Eyvazzadə bildirib.

Vasif Eyvazzadə bildirib ki, sözügedən film bir ay ərzində kino sənayesinə 1 milyard 50 milyon dollar gəlir qazandırıb: “Bu rəqəmlər kreativ sənayedə film və audiovizual sənayenin ön sırada olmasının göstəricisidir”.

Zeynəb ƏKBƏR