"Xüsusi Karantin Rejiminin Tətbiqi Zamanı İcazələrin Alınması və Monitorinqi Sistemi" vasitəsi ilə vətəndaş sorğularının cavablandırılması davam etdirilir. Dövlət və ya özəl təşkilatlar, həmçinin sahibkarlıq fəaliyyəti ilə məşğul olan fiziki şəxslər icaze.e-gov.az saytı vasitəsilə qeydiyyata alınırlar. 

TED.az xəbər verir ki, vətəndaşları ən çox maraqlandıran suallardan biri də hansı müqavilə əsasında işləyənlər üçün icazənin mümkün olmasıdır.

Qeyd edək ki, icazələr portalına FİN kod ilə daxil olmaq mümkün deyil. Fəaliyyət sahəsinə icazə verilən iş yerləri, hüquqi şəxslər və fərdi sahibkarlar icazələr portalına möhürvurma səlahiyyəti olan “ASAN İmza” və ya “Elektron İmza” ilə daxil ola bilərlər. 

Bunun üçün "əməkdaş barədə məlumat" bölməsində yerləşən "müqavilənin forması" hissəsindən "xidməti müqavilə"bu seçmək kifayətdir. 

Xatırladaq ki, yalnız zərurət yarandığı halda bu xidmətlərdən istifadə etmək tövsiyə olunur. SMS sistemi vasitəsi ilə icazə alınması zamanı sui-istifadə halları daim araşdırılacaq. Belə hallara yol verən vətəndaşlar barəsində ciddi tədbir görüləcək.