Apple-ın artırılmış gerçəklik texnologiyasına sahib olacaq eynəyi Apple Glass barədə maraqlı detal ortaya çıxıb. 

TED.az Türkiyə mətbuatına istinadən xəbər verir ki, iddiaya görə, Apple Watch kimi iPhone-a bağlı şəkildə çalışacaq cihaz “Steve Jobs Heritage Edition” adlandırılacaq.

2022-ci ilin əvvəlində satışa çıxarılacağı deyilən eynək optik şüşəyə də sahib olacaq. Bundan əvvəlki iddialarda isə Apple Glass-ın bu ilin sonu, yaxud gələn ilin əvvəlində təqdim ediləcəyi deyilirdi. 

Apple ilə bağlı ən etibarlıq qaynaqlardan Bloomberg redaktoru Mark Gurman isə bütün bu deyilənlərin uydurma olduğunu bildirir. 

Qeyd edək ki, eynəkdə son zamanlarda diqqəti üzərinə çəkməyi bacaran LiDAR texnologiyasından istifadə ediləcək. 
 

Apple Glass xüsusiyyətlərinin ən maraqlısı iki gözün önündə yer alan linzaların işləmə prinsipidir. Yəni hər iki gözlə cihazı istifadə etmək olacaq. İstifadəçinin gözünə hər linzada ayrı məlumat görünəcək. 
 

Eynək iPhone və Apple Watch ilə paralel işləyə biləcək. Beləliklə, tam ekosistem qurulacaq. iPhone, yaxud Apple Watch-da yer alan məlumat və tətbiqlərin bir toxunuşla eynəyə yönləndiriləcyi də gözləntilər arasındadır.
 

LiDAR texnologiyası sayəsində ətrafdakı nəsnələr təhlil ediləcək və məlumatlar eynək vasitəsilə istifadəçiyə ötürüləcək. Eynəyin kabelsiz adapterlə enerji yığacağı deyilir. 
 

Cihazın 499 dollara satışa çıxarılacağı gözlənilir.