Beyzbol qarşılaşmasında tamaşçıları robotlar əvəz etdi - YAPONİYADA
Yaponiyanın beyzbol klubu Fukuoka SoftBank Hawks qarşılaşmadan öncə komandaya dəstək üçün tamaşaçıların əvəzinə robotlardan istifadə edib.
TED.az Türkiyə mətbuatına istinadən xəbər verir ki, koronavirus pandemiyasından dolayı tamaşaçıların oyunlarda iştirakı qadağan olduğundan sözügedən addım atılıb.
Robotlardan fərqli məqsədlər üçün istifadə etməsilə məşhur olan Yaponiyada bu dəfə robotlar tamaşaçıları əvəz edərək rəqs edib, komandanı qələbəyə ruhlandırıblar.
Bunun üçün 20-dən artıq robot xoreoqrafik hərəkətlər edərək medianın diqqətini çəkməyi bacarıb.
Bu robotlardan bəziləri Softbank-ın Pepper robotu, bəziləri isə adı çoxumuza tanış olan Boston Dynamics-in Spot robotları olub. Spot-lar beyzbol komandasının bayrağı və kepkasını daşıyıbılar.