Volkswagen, 40 illik tarixi olan Polo modelinin Avropada istehsalını dayandırır. Budur qərarın arxasında duran səbəblər...

Volkswagen şirkəti 40 illik uğurlu tarixə malik Polo modelinin Avropada istehsalını dayandırmaq qərarına gəlib. Avropa istehsalı Polo 1984-cü ildən İspaniyanın Pamplona fabrikində həyata keçirilir. Bu fabrikdə istehsal dayandırıldıqdan sonra Polonun istehsalı tamamilə Cənubi Afrikadakı Karieqa fabrikinə köçürüləcək. Bəs Volkswagen niyə belə bir qərar verdi? Budur təfərrüatlar…

Volkswagen Avropada Polo istehsalını dayandırdı: Onu daha kiçik və sərfəli elektrik avtomobilləri əvəz edəcək

İspaniyanın Pamplona fabriki indi diqqətini kiçik və sərfəli elektriklə işləyən avtomobillərin istehsalına yönəldəcək. Volkswagen, Polonun Avropada satışlarının son illərdə azalmasına baxmayaraq, hələ də əhəmiyyətli bir model olduğunu ifadə edib. Bundan əlavə, Polo Türkiyədə çox məşhur bir modeldir.

2023-cü ilin ilk səkkiz ayında 90 mindən çox satılan Polo, Avropada ən çox satılan avtomobillər arasında 8-ci yeri tutub. Polo-nun Avropadakı bütün uğurlarına baxmayaraq, Volkswagen elektrik avtomobillərinə keçid zamanı daha kiçik və sərfəli modellərin hazırlanmasına diqqət yetirəcəyini bildirib.

Artıq 2026-cı ildən etibarən Pamplona fabrikində iki yeni kiçik elektrik yolsuzluq avtomobili, Volkswagen ID.2 və Skoda markalı model istehsal ediləcək. Bu avtomobillər Polo-dan daha kiçik olacaq və daha sərfəli olması planlaşdırılır. Əslində, Volkswagen ID.2 modelinin dizaynını bu il başa çatdırıb və avtomobili 2024-cü ilin sonunda təqdim etməyi planlaşdırır.

Polo istehsalının sona çatması ilə Volkswagen 1984-cü ildən bəri Pamplonada istehsal edilən 8,4 milyon Polo ilə avtomobil dünyasında dərin iz buraxdı. Yenə də elektrikli avtomobil bazarındakı bu qərarların Volkswagen-in gələcək strategiyasında mühüm yer tutacağı deyilir.