Samsung, A seriyalı telefonlara qoşulacaq yeni cihazı Galaxy A16 5G üçün hazırlıqlarını davam etdirir. Keçən həftələrdə müxtəlif tənzimləyici qurumlardan sertifikatlar alan model çox yaxında rəsmi olaraq təqdim ediləcək.

Samsung Galaxy A16 5G üçün geri sayım!

Galaxy A16 5G Samsung saytında SM-A166P/DS kodu ilə görünüb. Model nömrəsindəki son hərflər cihazın ikili SİM dəstəyi ilə gələcəyini göstərir. NBTC-də sertifikatlaşdırma telefonun yalnız kommersiya adını təsdiqləyib. Burada modelin texniki xüsusiyyətləri ilə bağlı heç bir təfərrüat verilməsə də, bu, bizə təqdimata yaxın olduğunu göstərir.

Qeyd edək ki, Samsung-un bu telefonu artıq BIS, Bluetooth SIG, 3C, IMEI və UK Carrier kimi müxtəlif tənzimləyici orqanlar tərəfindən siyahıya alınıb.

Geekbench-də Galaxy A16 5G-nin iki modeli də görünüb. Bir versiya, ehtimal ki, Afrika və Asiya bazarları üçün Exynos 1330 5G çipsetinə, digərində isə Dimensity 6300-ə malikdir. Maraqlıdır ki, Exynos modeli Dimensity prosessoru seçimi ilə müqayisədə üstün performans təklif edir.

Samsung-un çox yaxında bazara çıxması gözlənilən yeni telefonu giriş səviyyəli smartfonlarla rəqabət aparacaq. Amma təəssüf ki, bu günə qədər şirkətdən cihazın buraxılış tarixi ilə bağlı heç bir açıqlama verilməyib.