Yanvar-may aylarında Azərbaycanda göstərilmiş informasiya və rabitə xidmətlərinin həcmi əvvəlki ilin müvafiq dövrü ilə müqayisədə real ifadədə 12,5 faiz artıb.

TED.az Dövlət Statistika Komitəsinin hesabatına istinadla xəbər verir ki, informasiya və rabitə müəssisələri tərəfindən göstərilmiş 1320,6 milyon manatlıq xidmətlərin 74,9 faizi əhali tərəfindən istehlak olunub. Xidmətlərdən əldə edilən gəlirin 36,4 faizi və ya 480,5 milyon manatı mobil telefon rabitəsi sahəsində formalaşıb.