Bu gün Bakıda Azərbaycan, Qazaxıstan və Çin arasında birgə müəssisənin yaradılması ilə bağlı keçirilən imzalanma mərasimi ölkələrimiz üçün böyük əhəmiyyət daşıyır. Məqsəd Bakı Limanında yükaşırma həcminin artırılması ilə bağlı yeni İntermodal Yük Terminalının tikintisidir.

TED.az xəbər verir ki, bu sözləri jurnalistlərə açıqlamasında Qazaxıstanın “Samruk–Kazına” SC-nin İdarə Heyətinin sədri Nurlan Jakupov deyib.

O bildirib ki, Çindən Qazaxıstan Dəmir Yolları vasitəsilə Ələt terminalına daxil olan yük və konteynerlərin Avropaya daşınması həyata keçiriləcək ki, bununla da Orta Dəhlizlə yük daşımaları artacaq.

Qeyd olunub ki, yaxın 1 ildə yük terminalının tikinti işləri başa çatacaq və 20 funtluq konteynerlər ekvivalentində ildə 300-350 min ədəd konteyner daşınacaq.