Amazon peyk vasitəsilə internet transferi edəcək
Amazon tərəfindən inkişaf etdirilən yeni kosmik internet layihəsi ilə bağlı ciddi irəliləyiş əldə olunub.
TED.az Türkiyə mətbuatına istinadən xəbər verir ki, bununla da Amazon peyk vasitəsilə internet transferində SpaceX firması ilə rəqabətə başlamış olur.
Amerika Birləşmiş Ştatlarının Federal Kommunikasiya Qurumu bir müddət öncə Amazon-a sözügedən layihə ilə bağlı icazəsini təsdiqləyib. Bundan sonra Amazon, kosmosa göndərəcəyi peyklərlə internet transferi edəcək.
Hazırda Amazon-un Kuiper Layihəsi adını verdiyi proyekt barədə çox detal açıqlanmayıb.
İndiyə qədər açıqlanan məlumatlara görə 3236 ədəd peykdən ibarət şəbəkə qurulması planlaşdırılır.
Amazon 2026-cı ildə nəzərdə tutulan peyk sayının yarısı ilə internet transferi başlaya biləcək. Layihənin 2029-cu ilə qədər davam edəcəyi barədə də söyləntilər var.