“İşçi ixtisarına yol verməyən, karantin qaydalarına əməl edən sahibkarlıq subyektlərinə əlavə dəstəyin verilməsi nəzərdən keçirilir”.

TED.az xəbər verir ki, bu sözləri Nazirlər Kabineti yanında Operativ Qərargahın brifinqində Prezidentin köməkçisi Hikmət Hacıyev deyib. 

O bildirib ki, ölkə üzrə sosial iqtisadi yardım paketləri davam etdirilir: “Pandemiyadan əziyyət çəkmiş vergi ödəyiciləri və sahibkarlıq subyektlərinə dəstəklərin verilməsi, muzdlu işçilərin maaşlarının əhəmiyyətli bir hissəsinin dövlət tərəfindən ödənilməsi istiqamətində səylər bundan sonra da davam etdiriləcək. 28 iyuladək maliyyə dəstəyi almaq üçün 272 939 muzdlu işçi, 30 minə yaxın vergi ödəyicisi müraciət edib. Araşdırmalar aparılıb və  24825 vergi ödəyicisinə ödəniş edilib. İşçi ixtisarına yol verməyən, karantin qaydalarına əməl edən sahibkarlıq subyektlərinə əlavə dəstəyin verilməsi nəzərdən keçirilir. Pandemiyadan xüsusilə əziyyət çəkmiş sahələrə iki ay ərzində birdəfəlik, yaxud iki bərabər hissəyə bölunməklə maliyyə dəstəyi kimi məsələlər barədə də müvafiq qərarlar var. Bu barədə daha spesifik şəkildə məlumat veriləcək”.

Lamiyə Süleymanlı