"Əmək və Əhalinin Sosial Müdafiəsi Nazirliyinin tabeliyində yeni publik hüquqi şəxslərin yaradılması inzibatçılıqdan xidmət modelinə keçidi təmin edib". 

TED.az xəbər verir ki, bunu Əmək və Əhalinin Sosial Müdafiəsi naziri Sahil Babayev dövlət başçısının tapşırıqlarına uyğun olaraq pandemiya dövründə məşğulluğa və sosial rifaha dəstək məqsədilə görülən tədbirlərə və qarşıda duran vəzifələrə dair keçirdiyi mətbuat konfransında bildirib.

Nazir, həmçinin yeni layihələr kimi, ölkə üzrə məşğulluq xəritəsinin, vahid əmək münasibətləri platformasının, ərazi məşğulluq proqramlarının hazırlanması, məşğul şəxslərin reyesrinin təkmilləşdirilməsi və s. sahələrdə aparılan işləri diqqətə çatdırıb. Elektron təyinat sistemlərinin (2 pensiya, 19 müavinət və təqaüd növü üzrə) fəaliyyətini, xüsusilə pandemiya dövründə müraciət olunmadan sosial təminat növləri üzrə ödənişlərin e-qaydada təyinatının mühüm əhəmiyyətini qeyd edib. 

Vurğulanıb ki, e-xidmətlərin sayının daha da artırılması işləri aparılır, növbəti ilin sonunadək əmək, məşğulluq, sosial təminat üzrə ümumilikdə 132 xidmətdən 90-nın elektronlaşdırılması nəzərdə tutulur.