AZ

Azərbaycanda ilk dəfə Sosial sahibkarlıq, Kraudfandinq və Layihələrin idarə olunması mövzularında kitab çap olundu

952e44ab688c86faf7d79fc1f410f53e.jpg
06.04.2021 16:48

Azərbaycanın ilk yerli Kraudfandinq platforması olan “Toxum.org” və sahibkarlıq sahəsinə öz imzasını atmış şəxslərin təşəbbüsü ilə insanların yaradıcı fikirlərinə həyat vermək üçün ərsəyə gətirilən və ölkəmizdə ilk dəfə öz doğma dilimizdə sosial sahibkarlıq, kraudfandinq, layihənin idarə olunması mövzularını əhatə edən “TOXUM” kitabı çap olunub.  

 

Toxum.org dəyişiklik edən, sosial gələcəyə yol açan, insanlara dəyər qatan sosial və sosial sahibkarlıq ideya və layihələrə həyat verən bir platformadır. Toxumun əsas məqsədi ölkəmizdə Kraudfandinq və dəstək mədəniyyətini formalaşdırmaq və həyat tərzinin bir hissəsinə çevirməkdir. 

 

Kitablar sonsuz gücə sahibdirlər. Bizi yeni dünyalara apara, yeni şeylər öyrədə, xəyal gücümüzü inkişaf elətdirə və öz arzularımızı gerçəkləşdirməyə ilham verə bilərlər. T'oxu'm kitabı məhz bu missiyanı öz üzərinə götürüb. Kitabı əlinə alan hər kəs öz arzusunda olduğu layihəni necə reallaşdırmaq olar onu öyrənəcək.

 

Kitab sosial sahibkarlıq, layihələri idarə etmək, maddi vəsait toplamaq üçün kampaniya başlatmaqla bağlı bilikləri əhatə edir. Bu mövzuların hər biri real keyslər üzərindən, nümunələrlə, sxem və cədvəllərdən istifadə edilərək çox sadə dildə izah olunub. Ölkəmizdə layihəsinə həyat vermək istəyən insanlar üçün əsl Oxu kitabı olacaqdır.

 

TED.az xəbər verir ki, kitabın müəllifləri Global winner 2020-nin qalibi, sosial sahibkar Sara Rəcəbli, Kvan kitabının müəllifi Coşqun Kərimov, PMP sertifikatlı layihə meneceri Kamran Cəbrayılov, Toxum.org platformasının həmtəsisçisi, iqtisadçı Toğrul Vəliyevdir.

 

Toxum.org-un kitabın çap etdirilməsi üçün platformanın təyinatına uyğun kampaniya başlatmış və elə ilk həftədən artıq öz hədəf məbləğinə yaxınlaşmış, sonrakı həftələrdə isə hədəfini uğurla tamamlamışdır.

 

Kampaniya boyunca Simurq Təhsil Fondu (şəhid və qazi ailələrinin övladlarının təhsilinə dəstək olmaq məqsədilə yaradılan sosial layihə) ilə birgə çalışan komanda, ianə edilən hər 15 manata görə 1 kitabı dəstəkçiyə, bir kitabı isə STF-yə bağışlamağı öz öhdəsinə götürüb. Bir toxumla iki ağac yetişdirmək həqiqi mənada mümkün olmasa da, bu Toxum kitabı üçün real hadisəyə çevrilmiş oldu.

 

Kitabı 070 538 64 72, 055 890 32 31 nömrələrinə zəng edərək və ya info@toxum.org mail ünvanına yazaraq sifariş edə bilər , eyni zamanda BookZone  kitab mağazasından  əldə edə bilərsiniz.

TED + bölməsindən digər xəbərlər

Daha çox